«Сёньня мой працоўны дзень пачаўся ў пракуратуры. Там у мяне спачатку пыталіся пра дыктоўку, іншыя мае грамадзкія ініцыятывы, а потым ветліва пацікавіліся, што я ведаю пра грамар-нацы, ці не фінансуюць яны маю дзейнасьць», — напісаў Паўлоўскі.
Паводле гендырэктара «Бонус-Мэдыя», у пракуратуры яму паказвалі карцінкі з сымболікай руху грамар-нацы і цікавіліся яго стаўленьнем да гэтых малюнкаў.
«Яшчэ цікавіліся, якія пачуцьці я адчуваю да людзей, якія робяць памылкі, ці няма ў мяне жаданьня іх зьнішчаць», — адзначыў Паўлоўскі.
Ён дадаў, што цяпер яму трэба адвезьці ў пракуратуру статутныя дакумэнты яго кампаніі і копію дамовы з фондам «Татальная дыктоўка».
«Татальная дыктоўка» — штогадовая расейская адукацыйная акцыя, скіраваная на разьвіцьцё культуры пісьменнасьці.
У інтэрнэце грамар-нацы называюць тых, хто зьвяртае ўвагу на любыя памылкі друку. Сымбаль грамар-нацы — літара G, стылізаваная пад свастыку. У назьве руху заключаецца адсылка да нацызму, што ў жартаўлівай форме кажа пра «бязьлітаснасьць» грамар-нацы да непісьменных людзей.
Паводле tvrain.ru/
