Лінкі ўнівэрсальнага доступу

Як выглядае хата маленства айца Аляксандра Надсана


Хата ў Гарадзеі, у якой у 20-я – 30-я гады жыў Аляксандар Надсан

Хата ў Гарадзеі, у якой у 20-я – 30-я гады жыў Аляксандар Надсан

Валер Дранчук

Хата каля чыгункі ў Гародзеі, дзе ў малыя гады жыў айцец Аляксандар Надсан (канец 20-х — пачатак 30-х гадоў), ацалела і засталася стаяць. Апошнія гаспадары, што займалі пакоі колішняй школкі, перасяліліся ў лепшае жытло, а хата, год ці два, дагэтуль пустуе. Кажуць, нядаўна знайшліся пакупнікі з Ваўкавыску, якія набылі хату дзеля будучага музэю.

Станцыя Гарадзея (раней яе называлі «Гародзей» або «Гародзій») вядомая тым, што празь яе зручна дабірацца зь Менску ў Нясьвіж: дзьве гадзіны электрычкай у бок Баранавічаў, а тут чакае маршрутны аўтобус — яшчэ паўгадзіны дарогі.

Цяпер, верагодна, папулярнасьці стане куды больш. Вядомая ў раёне краязнаўца, выкладніца роднай мовы Натальля Плакса мяркуе, што гародзейская «кватэра» айца Надсана праз тры-пяць гадоў можа напоўніцца іншым, музэйна-экскурсійным і навукова-дасьледчым жыцьцём, зьвязаным зь імем вялікага беларуса і сьвятара, а мястэчка здабудзе славу, роўную Нясьвіжу. «Біяграфічнае жыцьцё Аляксандра Надсана, — кажа яна, — прыцягвае і захапляе, на ўсім, што ён рабіў, — Божы знак, высокі духоўны сэнс. Варта прачытаць ягоныя кнігі, прыгадаць, што ён казаў, як ён маліўся, што рабіў і як шанаваў Беларусь... Гэтага дастаткова, каб сьвет павярнуўся да сьцен і падмуркаў ягонага месца дзяцінства!».

Жыцьцё і дзейнасьць айца Аляксандра вартыя новых старонак і краязнаўчага пошуку, лічыць таксама другі мясцовы краязнаўца, рабочы Гарадзейскага цукровага камбінату Аляксандар Абрамовіч. Некалькі месяцаў таму, калі айцец Надсан занядужаў, быў прыкаваны да ложка, спадар Абрамовіч паслаў яму ў Лёндан колькі фотаадбіткаў «гародзійскай» хаты: ці пазнае, ці ўсьцешыцца?.. Як сьведчаць відавочцы, здымкі прыйшліся да сэрца айцу Аляксандру, гэта быў «цуд» яго вяртаньня на дарагую зямлю. Пэўна, і хвароба на крок ці два адступілася, дала месца ўспамінам, ціхай радасьці разьвітаньня з Радзімай.

Фота В. Дранчука:

Калі ехаць цягніком на Берасьце, хату лёгка ўбачыць справа ля другога пераезду за невысокім зялёным плоцікам

Калі ехаць цягніком на Берасьце, хату лёгка ўбачыць справа ля другога пераезду за невысокім зялёным плоцікам

Каваная ручка на дзьвярах не мянялася з даўняга часу

Каваная ручка на дзьвярах не мянялася з даўняга часу

Хата стаіць на рагу вуліц Залінейнай і Краснагорскай; вуліца Залінейная (уздоўж чыгункі)

Хата стаіць на рагу вуліц Залінейнай і Краснагорскай; вуліца Залінейная (уздоўж чыгункі)

Вуліца Краснагорская; вёска Краснагоркі за 5 кілямэтраў на захад ад Гарадзеі, там і вёска Макашы, дзе нарадзіўся паэт Ул. Жылка

Вуліца Краснагорская; вёска Краснагоркі за 5 кілямэтраў на захад ад Гарадзеі, там і вёска Макашы, дзе нарадзіўся паэт Ул. Жылка

Заходні бок хаты

Заходні бок хаты

Уваход у хату з заходняга боку; мяркуецца, у гэтай частцы жыла сям’я настаўніка Антона Бочкі – бацькі А. Надсана

Уваход у хату з заходняга боку; мяркуецца, у гэтай частцы жыла сям’я настаўніка Антона Бочкі – бацькі А. Надсана

Старая яблыня каля хаты

Старая яблыня каля хаты

Фрагмэнт драўляных канструкцый

Фрагмэнт драўляных канструкцый

Чыгуначны пераезд з боку цукровага камбінату

Чыгуначны пераезд з боку цукровага камбінату

Фрагмэнт сядзібы з дарожным знакам

Фрагмэнт сядзібы з дарожным знакам

Вячэрні краявід на станцыі Гарадзея 15 траўня 2015

Вячэрні краявід на станцыі Гарадзея 15 траўня 2015

XS
SM
MD
LG