«Рашэньне суду аб сьмяротнай кары было прынятае як вынік масавага судовага працэсу, які не адпавядае абавязацельствам Эгіпту згодна міжнароднаму заканадаўству», — заявіла Магерыні.
У Брусэлі выказалі надзею, што вэрдыкт суду перагледзяць па выніках апэляцыі.
«Эўразьвяз выступае супраць сьмяротнага пакараньня пры любых абставінах. Сьмяротнае пакараньне зьяўляецца жорсткім і негуманным рашэньнем», — падкрэсьліла Фэдэрыка Магерыні.
У суботу суд у Эгіпце прыгаварыў да сьмяротнай кары Мурсі і яшчэ больш за сто чалавек паводле абвінавачваньні ў дачыненьні да масавых уцёкаў з турмаў у 2011 годзе. Сярод асуджаных — лідэры ўзначаленага Мурсі руху «Мусульманскае братэрства».
Мухамад Мурсі ўзначаліў Эгіпет у 2012 годзе. Праз год яго адхілілі ад улады ў выніку масавых пратэстаў.
Пасьля адхіленьня ад улады Мурсі фігураваў адразу ў некалькіх судовых працэсах.