Лінкі ўнівэрсальнага доступу

Кадыраў назваў асуджанага на сьмерць Царнаева ахвярай амэрыканскіх спэцслужбаў


Кіраўнік Чачні Рамзан Кадыраў назваў Джахара Царнаева, асуджанага да сьмяротнага пакараньня за тэракт на фінішы Бостанскага марафону, ахвярай амэрыканскіх спэцслужбаў.

Пра гэта Кадыраў напісаў у сваім Instagram. Паводле Кадырава, «ён ня верыць, што Царнаевы бязь ведама спэцслужбаў ЗША зьдзейсьнілі гэты тэракт, калі яны яго і зьдзейсьнілі. Амэрыканскім спэцслужбам, якіх абвінавачвалі ў датычнасьці да бостанскай трагедыі, патрэбна была ахвяра. Ім у ахвяру прынесьлі Царнаева», напісаў ён.

Кадыраў адзначыў, што пасьля гібелі Тамэрлана Царнаева «пры вельмі дзіўных абставінах» і забойства Ібрагіма Тодашава на допыце, «за кратамі застаўся адзін Джахар Царнаеў, і яму пасьпешліва выставілі абвінавачаньне паводле трох дзясяткаў артыкулаў».

15 траўня калегія прысяжных у Бостане пастанавіла, што Джахар Царнаеў павінны быць асуджаны на сьмяротнае пакараньне.

Браты Царнаевы — Джахар і Тамэрлан — абвінавачаныя ў зьдзяйсьненьні тэракту на марафоне ў Бостане 15 красавіка 2013 году. Яго ахвярамі сталі тры чалавекі, больш за 260 атрымалі раненьні.

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG