Лінкі ўнівэрсальнага доступу

Спэцназ ЗША правёў апэрацыю на ўсходзе Сырыі бязь ведама сырыйскіх уладаў


ЗША абвясьцілі аб забойстве аднаго зь лідэраў экстрэмісцкай арганізацыі «Ісламская дзяржава» Абу Сайафа.

Апэрацыя спэцназу ЗША праводзілася на ўсходзе Сырыі. У паведамленьні Белага дома, апублікаваным 16 траўня, гаворыцца, што рэйд супраць экстрэмістаў праведзены па загадзе прэзыдэнта ЗША Барака Абамы. Абу Сайаф адказваў у кіраўніцтве «Ісламскай дзяржавы» за здабычу і выкарыстаньне нафты і газу ды кіраваў фінансамі.

Агенцтва Reuters паведамляе, што гэта першая зь вядомых апэрацый спэцназу ЗША на тэрыторыі Сырыі, калі ня ўлічваць праваленыя ў мінулым годзе сакрэтныя спробы выратаваньня групы амэрыканскіх ды іншых замежных закладнікаў, захопленых «Ісламскай дзяржавай».

Прадстаўнік Рады бясьпекі ЗША Бэрнадэт Міган заявіла, што апэрацыя праводзілася з тэрыторыі Іраку пры поўнай згодзе іракскіх уладаў. Яна адзначыла, што Белы дом не папярэджваў урад Сырыі аб правядзеньні апэрацыі і не каардынаваў свае дзеяньні з сырыйскімі ўладамі.

XS
SM
MD
LG