Як піша Unian.ua, ужо праз два месяцы ва Ўкраіне могуць зьявіцца новыя назвы тэрыторыяў — паветы. Так будуць называцца цяперашнія раёны.
Вобласьці ж прапануецца перайменаваць у рэгіёны. Такія прапановы падтрымала канстытуцыйная камісія, якая засядала ў Адміністрацыі прэзыдэнта.
Галоўная ж мэта плянаванай рэформы Асноўнага Закону — гэта дэцэнтралізацыя і вялікая самастойнасьць рэгіёнаў. Перш за ўсё — фінансавая.
