Лінкі ўнівэрсальнага доступу

Рыхтуецца замена ў кіраўніцтве Ўзброеных сіл ЗША


 Джозэф Данфорд

Джозэф Данфорд

Прэзыдэнт ЗША Барак Абама рыхтуе замену ў кіраўніцтве Аб’яднанага Камітэту начальнікаў штабоў ЗША.

Пра гэта паведамілі ў прэзыдэнцкай адміністрацыі. Чакаецца, што новым старшынёй Камітэту можа стаць генэрал Джозэф Данфорд, замяніўшы на гэтай пасадзе Марціна Дэмпсі. Аб новым прызначэньні могуць аб’явіць у бліжэйшы час.

Для Марціна Дэмпсі другі двухгадовы тэрмін знаходжаньня на найвышэйшай пасадзе ў амэрыканскіх узброеных сілах заканчваецца ўвосень.

59-гадовы Данфорд камандуе цяпер марской пяхотай ЗША, раней ён узначальваў Міжнародныя сілы садзейнічаньня бясьпецы ў Аўганістане. У 2003-2004 гадах ваяваў у Іраку, дзе атрымаў мянушку «Баявы Джо».

У адміністрацыі амэрыканскага прэзыдэнта таксама паведамілі, што намесьнікам Данфорда можа стаць цяперашні кіраўнік Транспартнага камандаваньня ўзброеных сіл ЗША генэрал Пол Селва.

XS
SM
MD
LG