Разьвітаньне з Маяй Плісецкай пройдзе ў Нямеччыне, а яе прах — паводле запавету — будзе разьвеяны над тэрыторыяй Расеі.
Пра гэта ТАСС паведаміў генэральны дырэктар Вялікага тэатра Ўладзімір Урын. Паводле яго, разьвітаньне пройдзе толькі ў коле сваякоў.
У нядзелю спэктакль «Дама з камеліямі» ў Вялікім тэатры пачаўся з хвіліны маўчаньня ў памяць аб Маі Плісецкай.
Балярына памерла ў суботу ў Нямеччыне на 90-м годзе жыцьця ад сардэчнага прыступу.
«Мая Плісецкая танчыла амаль 60 гадоў, і амаль 50 зь іх — на сцэне Вялікага тэатру, у трупу якога была прынята ў 1943 годзе (адразу пасьля заканчэньня Маскоўскага харэаграфічнага вучылішча), — кажа балетмайстар Вялікага тэатра, у мінулым балерына Марына Кандрацьева. — Артыстка выконвала ўсе галоўныя партыі ў клясычным рэпэртуары. Сярод найбольш вядомых партый балярыны: Адэта-Адылія ў «Лебядзіным возеры», Аўрора ў «Сьпячай прыгажуні», Раймонда ў аднайменным балеце Глазунова, Гаспадыня меднай гары ў «Каменнай кветцы» Пракоф’ева і Кармэн у «Кармэн-сюіце». Ралян Пеці паставіў для Плісецкай «Пагібель ружы», а Марыс Бежар — «Балеро» і «Айсэдору».
Мая Плісецкая была ўганараваная мноствам узнагародаў і прэміяў.
Аляксандвр Лукашэнка даслаў спачуванні мужу Маі Плісецкай, народнаму артысту СССР Радзівону Шчадрыну, а таксама сваякам.
Самае папулярнае
1
