Алькаголікаў будуць лячыць працатэрапіяй.
«Такія беды, як наркаманія (ня наша вынаходка), алькагалізм (наша — мы з рускімі тут ад аднаго дрэва расьцем), курэньне ня толькі наносяць шкоду здароўю людзей, але і ўяўляюць пагрозу генафонду нацыі», — заявіў ён.
Што тычыцца грамадзян, якія пакутуюць на алькагалізм, наркаманію і таксыкаманію, то Лукашэнка заклікаў да прымусовага лячэньня такіх людзей і да ўжываньня працатэрапіі.
«Я думаю, што для алкаша самае лепшае — гэта выхаваньне працай», — заявіў ён.
«Я даручыў усіх габрэяў узяць пад кантроль»
Кажучы пра «дэкрэт пра дармаедаў» Лукашэнка заявіў:
«Шмат крытыкі. Я баюся часам, што мы чагосьці там недапрацавалі», — заявіў ён.
Ён дадаў, што даручыў ураду паглыбіцца ў кожную заўвагу «нават ад бандытаў і шарлатанаў ад палітыкі»: «Мы не павінны пакрыўдзіць нармальнага чалавека»
У сувязі з крытыкай дэкрэту ён успомніў пра TUT.by:
«Зісер несумленна паводзіць сябе... Я даручыў усіх габрэяў узяць пад кантроль... Зісеру ўсё няймецца».
У Эўропе запахла вялікай вайной
Лукашэнка распавёў, як «касячаць» сьвятары высокага ўзроўню
«Часта непублічна нашы сьвяшчэннаслужыцелі, асабліва высокага ўзроўню, так за сям’ю выступаюць, так агітуюць. Я запытваю: „Ваша Сьвяцейшаства, а колькі дзяцей у вас?“ — „Няма“. Ну дык што вы агітуеце нас за дзяцей? Для таго каб выступаць за сям’ю і за дзяцей, трэба самім мець дзяцей. Што за дрымучасьць — сьвятар высокага ўзроўню не павінен мець дзяцей! Ну што гэта такое? Вось перакананы — па-ціхаму дзесьці нешта касячаць».
Лукашэнка загадаў дэпутаткам нараджаць.
Лукашэнка заявіў, што моцная сям’я як мінімум з трыма дзецьмі павінна стаць грамадзкім ідэалам.
«Усе жанчыны-дэпутаты, якія ня маюць трох дзяцей, — падумайце, як вы нараджаць будзеце», — заявіў ён.
«Мэта дзяржавы — гэта народ»
Лукашэнка ня згодны з тым, што варта адмовіцца ад сацыяльнага характару дзяржаўнай палітыкі ў Беларусі.
«Усе кажуць — вось у нас народ расьпешчаны. Так, мы дзесьці расьпесьцілі. Але гэта наша заслуга», — лічыць ён.
«Мэта нашай дзяржавы — гэта народ», — падкрэсьліў Лукашэнка. Ягоныя словы былі сустрэтыя воплескамі.
Паводле ягоных слоў, асноўныя напрамкі сацыяльнай палітыкі — гэта падтрымка сем’яў і рашэньне дэмаграфічных праблемаў.
«Не прасіце больш грошай»
Кіраўнік дзяржавы закрануў праблему эфэктыўнасьці выкарыстаньня бюджэтных сродкаў. «Не прасіце больш грошай. Па-гаспадарску выкарыстоўвайце тое, што ёсьць», — заявіў ён.
Лукашэнка канстатаваў, што на МАЗе сытуацыя складаная, а страта прадпрыемства будзе «сьмерці падобная».
Паводле ягоных слоў, урад прапаноўваў укласьці вялікія грошы ў падтрымку прадпрыемства — ня менш як 100 млрд рублёў. Але ён адхіліў гэты падыход.
Лукашэнка заявіў, што падтрымка павінна давацца на канкрэтных умовах. «Дапамагаць будзем, але не пад абяцаньне, а пад канкрэтны кантракт. Толькі абавязаньні, жалезабэтонныя абавязаньні», — падкрэсьліў ён.
Лукашэнка заклікаў урад перайсьці на новы мэханізм аказаньня дзяржаўнай падтрымкі — праграмна-мэтавы мэтад.
Лукашэнка ставіць супрацьлеглыя, узаемавыключальныя задачы
Адначасова ён заклікае ўзмацніць кантроль ураду за працай прадпрыемстваў і кажа пра свабоду дырэктара.
«Не блытайце сёе-тое зь сім-тым»
Лукашэнка ня згодны, што кіраўнікі прадпрыемстваў у цяперашняй сыстэме кіраваньня «зьвязаныя па руках і нагах».
«Ня блытайце сёе-тое зь сім-тым. Хто рупіцца аб прадпрыемстве, аб калектыве — ніколі ня будзе пакараны», — адзначыў Лукашэнка.
Лукашэнка прапануе ўзмацніць ручное кіраваньне эканомікай
Лукашэнка традыцыйна спрабуе перакласьці віну за эканамічныя правалы на вонкавыя фактары. Хоць галоўная прычына крызісу — гэта неэфэктыўнасьць цяперашняй мадэлі. Вонкавыя прычыны толькі абвастрылі ўласныя беларускія праблемы.
Лукашэнка прапануе ўзмацніць ручное кіраваньне эканомікай. Урад павінен кіраваць прадпрыемствамі. Гэта, паводле Лукашэнкі, павінна павысіць эфэктыўнасьць. Але менавіта гэтым і займаецца ўрад шмат гадоў.
Пра ліквідацыю прадпрыемстваў.
Паводле ягоных слоў, дзяржава не павінна падтрымліваць беспэрспэктыўныя прадпрыемствы, якія «зжылі сябе і ня могуць існаваць».
«Ліквідацыя адсталага прадпрыемства — не трагедыя, а элемэнтарны здаровы сэнс», — заявіў Лукашэнка.
Чыноўнікі ўважліва слухаюць #agl29 і канспэктуюць http://t.co/iBQPWmT2Wl
— Радыё Свабода (@svaboda) 29.4.2015
Адметная рыса гэтага пасланьня – тое, што яно адбудзецца за паўгода да прэзыдэнцкіх выбараў.
Традыцыйна выступ Лукашэнкі цягнецца некалькі гадзін, пасьля чаго дэпутаты могуць задаць кіраўніку дзяржавы пытаньні.
Таксама на выступ Лукашэнкі звычайна запрашаюцца сябры ўраду, прадстаўнікі дзяржаўных СМІ, замежныя дыпляматы.