Пахаваюць айца Аляксандра Надсана заўтра, 29 красавіка, ў Лёндане. Пахавальная служба адбудзецца ў царкве Сьвятой Марыі ва Ўсходнім Фінчлі.
Удзел у разьвітальнай цырымоніі бяруць Старшыня Рады БНР Івонка Сурвіла і Апостальскі візытатар для грэка-каталікаў Беларусі архімандрыт Сяргей Гаек.
Апостальскі візытатар для беларусаў-католікаў у замежжы а. Аляксандар Надсан знойдзе свой апошні спачын на найвялікшых у Вялікабрытаніі што да колькасьці пахаваньняў могілках сьвятога Панкрата ў Лёндане. Там пахаваныя беларускі грэка-каталіцкі біскуп Чэслаў Сіповіч, архімандрыт Леў Гарошка, айцец Язэп Германовіч, айцец Тамаш Падзява, айцец Фелікс Журня, айцец Кастусь Маскалік, а таксама і іншыя беларускія дзеячы.
Айцец Аляксандар Надсан памёр у Лёндане 16 красавіка.