Па апошніх дадзеных, колькасьць ахвяраў стыхійнага бедзтва перавышае 4300, параненых — каля 8 тысяч. Бальніцы перапоўненыя. Растуць асьцярогі ў сувязі з недахопам прадуктаў, вады, перабоямі электрычнасьці. У сталіцы краіны Катманду, як і ў іншых частках краіны, тысячы людзей начуюць на ходніках, дарогах, у парках.
Аднымі з першых гуманітарныя грузы ў Нэпал накіравалі Індыя і Кітай. Злучаныя Штаты ў панядзелак абвясьцілі аб новым пакеце фінансавай дапамогі 9 мільёнаў даляраў. Такім чынам, агульны аб’ём падтрымкі з боку Вашынгтона складзе 10 мільёнаў.
Цяперашні землятрус магнітудай 7,8 лічыцца самым сьмяротным за апошнія 80 гадоў.