Лінкі ўнівэрсальнага доступу

Дэмі Мур падпісала паштоўку Статкевічу ФОТА


Вядомая галівудзкая акторка Дэмі Мур сустрэлася зь лідэрам грамадзянскай кампаніі «Эўрапейская Беларусь» Андрэем Саньнікавым на Сэдонскім форуме, арганізаваным Інстытутам Джона Макейна.

Дэмі Мур падтрымала беларускіх палітвязьняў і падпісала паштоўку Мікалаю Статкевічу. Пра гэта Андрэй Саньнікаў паведаміў на сваёй старонцы ў Фэйсбуку.

«Пазнаёміўся з Дэмі Мур на Седонскім Форуме, які праводзіць сэнатар Макейн. Расказаў ёй пра палітвязняў у Беларусі. Дэмі, якая цяпер актыўна займаецца грамадзкай дзейнасьцю, прасіла перадаць словы салідарнасьці, падтрымкі і падпісала паштоўку Мікалаю Статкевічу: «Мікалай! Трымайцеся — пра вас памятаюць! Жыве Беларусь! Дэмі Мур», — напісаў Андрэй Саньнікаў.

Сэдонскі форум зьяўляецца штогадовым мерапрыемствам, якое праводзіцца Інстытутам Джона Макейна. У ім удзельнічаюць найбуйнейшыя амэрыканскія і міжнародныя палітыкі ды экспэрты. Форум праходзіць каля горада Сэдона ў штаце Арызона з 2012 года.

XS
SM
MD
LG