Фота дня:
Новае фота кожны дзень, увесь год. Прысылайце сюды свае здымкі гарадзкіх і прыродных краявідаў, падзеяў і зьяваў жыцьця ў 2015 ці на пошту radiosvaboda@gmail.com. Пажадана дасылаць фота ў прапорцыі 16 на 9. Усе аўтары фота, апублікаваных на сайце Свабоды, атрымаюць прызы. Тры найбольш папулярныя здымкі месяца будуць адзначаныя асобна.
Афіша
Менск — Беларуская асацыяцыя дапамогі дзецям-інвалідам і маладым інвалідам праводзіць сымпозіюм «Даступная адукацыя цягам усяго жыцьця для людзей з абмежаваныміразумовымі здольнасьцямі». Месца правядзеньня — менскі міжнародны адукацыйны цэнтар імя Ё. Рау.
Менск — кансультацыі паміж міністэрствамі замежных спраў Рэспублікі Беларусь і Чэскай Рэспублікі на ўзроўні намесьнікаў міністраў, у тым ліку ў пытаньнях супрацы Беларусі і ЭЗ.
У гісторыі
1706 — швэдзкае войска на чале з каралём Карлам ХІІ штурмавала Мірскі замак, пасьля чаго крэпасьць была спаленая.
1919 — польскія войскі занялі Горадню.
1945 — БССР прынятая ў склад дзяржаваў-заснавальніц ААН.
1996 — у Менску адбываюцца масавыя арышты ўдзельнікаў «Чарнобыльскага шляху», які прайшоў напярэдадні.
У памяці
1494 — нарадзіўся Сулейман I, асманскі султан.
1584 — памёр Мікалай Радзівіл «Руды», дзяржаўны і вайсковы дзяяч Вялікага Княства Літоўскага.
1782 — нарадзіўся Нікалё Паганіні, італьянскі скрыпач і гітарыст-віртуоз, кампазытар.
1791 — нарадзіўся Самуэль Морзэ, амэрыканскі мастак і вынаходнік.
1878 — нарадзіўся Станіслаў Любіч-Маеўскі, беларускі грамадзкі і культурны дзяяч, пэдагог.
1967 — памёр беларускі філёзаф Мікола Алексютовіч.
1998 — памёр беларускі гісторык Вітаўт Тумаш. Родам ён быў зь Вялейшчыны, вучыўся ў Віленскай беларускай гімназіі і Віленскім унівэрсытэце. Рэдагаваў газэту «Раніца» ў Бэрліне. Пасьля вайны апынуўся на эміграцыі і браў чынны ўдзел у стварэньні Беларускага Інстытуту Навукі й Мастацтва ў Нью-Ёрку.
2006 — памёр Міхал Вітушка, кіраўнік беларускага нацыянальнага антысавецкага руху супраціву ў Савецкім Саюзе.
Цытата
«Пачатак кар’еры — дар багоў; астатняе — цяжкая праца».
Нікалё Паганіні