Служба Гэлап правяла свой досьлед у 130 краінах сьвету, апытваючы ў сярэднім па 1000 чалавек старэйшых за 15 гадоў у кожнай краіне. Рэспандэнтам ставілі пытаньне: «Вы ўхваляеце ці не ўхваляеце эфэктыўнасьць працы кіраўніцтва Злучаных Штатаў?»
Паводле апытаньня, узровень падтрымкі ЗША сёлета дасягнуў 45%, Нямеччыны — 41%, Эўразьвязу — 39%, Кітаю — 29%, Расеі — 22%.
Найбольшае неадабрэньне дзеяньняў кіраўніцтва ЗША Гэлап зарэгістраваў у Расеі (82%), Палестынскай Аўтаноміі (72%) і Беларусі (69%).
Гэткія апытаньні Гэлап праводзіць ад 2007 году.
