Аляксандр Лукашэнка прыступіў да працы пасьля інструктажу па тэхніцы бясьпецы — паведамляе афіцыйнае дзяржаўнае агенцтва БелТА. Разам з сынам Мікалаем кіраўнік краіны выконваў працы па ўладкаваньні цэментава-пясочных сьцяжак у памяшканьнях на першым паверсе. Дзіцячую паліклініку ў Каменнай горцы будуюць ужо два з паловай гады. Мяркуецца, што яна адкрыецца пад канец 2015.
Агульнарэспубліканскі суботнік 18 красавіка 2015 году адбываецца ў адпаведнасьці з пастановай Савета міністраў ад 3 красавіка 2015 году № 270.
Правядзеньне суботніка прымеркавана да 70-годьдзя перамогі ў Вялікай айчыннай вайне.
Сродкі, заробленыя падчас правядзеньня суботніка, пералічаюцца ў бюджэт раённых, гарадзкіх і абласных выканаўчых камітэтаў добраахвотна.