Лінкі ўнівэрсальнага доступу

30 чалавек загінулі падчас пажараў у Хакасіі, 5 тысяч чалавек страцілі жытло


Колькасьць загінулых у выніку маштабных прыродных пажараў у Хакасіі узрасла да 30 чалавек. Яшчэ двое прапалі безь вестак, — паведаміла 16 красавіка ТАСС крыніца ва ўрадзе рэспублікі.

Раней паведамлялася, што ахвярамі стыхіі ў Хакасіі сталі 29 чалавек.

Па апошніх дадзеных, у шпіталі рэгіёну зьвярнуліся 1072 чалавека, 53 зь іх шпіталізаваныя.

Пашкоджаныя больш за 1300 прыватных жылых дамоў у 33-х населеных пунктах, засталіся без прытулку амаль 4 тысячы 700 чалавек.

Паводле папярэдніх ацэнак, шкода складае 7 мільярдаў рублёў.

Працягваецца барацьба зь ляснымі і стэпавымі пажарамі ў Забайкальлі і Бураціі. Агнём ахоплены больш за 100 тысяч гектараў.

У чацьвер быў затрыманы выканаўца абавязкаў кіраўніка Дзяржлесслужбы рэгіёну Руслан Балагур — па падазрэньні ў злоўжыванні службовымі паўнамоцтвамі.

У сувязі зь ляснымі пажарамі ў Забайкальлі за апошнія трое сутак распачата 25 крымінальных справаў.

За апошнія чацьвёра сутак згарэлі больш за 200 жылых дамоў у 18 населеных пунктах 22-х раёнаў Забайкальскага краю, пацярпелі больш за 280-і дачных дамкоў.

XS
SM
MD
LG