Лінкі ўнівэрсальнага доступу

Ужо сёньня, 17 красавіка: Гарэцкія чытаньні ў Менску


Берасьце.

Берасьце.

Падзеі дня ў Беларусі, сьвеце і гісторыі

Новае фота кожны дзень, увесь год. Прысылайце сюды свае здымкі гарадзкіх і прыродных краявідаў, падзеяў і зьяваў жыцьця ў 2015. Пажадана дасылаць фота ў прапорцыі 9 на 16. Усе аўтары фота, апублікаваных на сайце Свабоды, атрымаюць прызы. Тры найбольш папулярныя здымкі месяца будуць адзначаныя асобна.

Афіша

Менск — працяг візыту ў Беларусь эўракамісара ў пытаньнях пашырэньня і добрасуседзтва Ёханэса Хана.

Менск — у Літаратурным музэі Пятруся Броўкі — міжнародная навукова-практычная канфэрэнцыя «ХХІІІ Гарэцкія чытаньні «Максім і Гаўрыла Гарэцкія. Жыцьцё і творчасьць». Пачатак а 11.30.

Менск — у офісе Таварыства беларускай мовы — прэсавая канфэрэнцыя ўдзельнікаў аргкамітэту па стварэньню Беларускай хрысьціянскай дэмакратыі, пачатак — а 15-й.

У гісторыі

1818 — беларускі паэт Ян Чачот уступае ў падпольнае студэнцкае таварыства «Філаматаў». Урачыстасьць адбываецца на ўзьлеску пад Вільняй. Рэкамэндацыю Чачоту дае ягоны школьны сябра з Наваградку паэт Адам Міцкевіч. Гэтая падзея перадвызначыла як лёсы ўдзельнікаў таварыства, так і разьвіцьцё беларускай нацыянальнай ідэі на самым яе пачатку.

1905 — расейскі цар выдаў указ аб верацярпімасьці. Гэтым указам адмяняліся рэпрэсіі за пераход з праваслаўя ў іншыя канфэсіі. У выніку ў Беларусі дзясяткі тысяч былых уніятаў адразу перайшлі ў каталіцтва. Працэс гэты набыў такі масавы характар, што царызму давялося стрымліваць яго сіламі тайнай паліцыі

1914 — у Беларусі адбылася першая авіяцыйная катастрофа на вайсковым лётнішчы ў Лідзе. У выніку яе загінулі падпаручнік Вятчынкін і мэханік Кавальчук. Яны выпрабоўвалі самалёт «Ньюпар-IV», які на вышыні 300 мэтраў раптам пайшоў уніз.

1932 — заснаваны Цэнтральны батанічны сад у Менску.

1982 — Каралева Злучанага Каралеўства Вялікай Брытаніі і Паўночнай Ірляндыі Лізавета II надала Канадзе поўную незалежнасьць ад Вялікай Брытаніі.

1992 — Беларусь устанавіла дыпляматычныя адносіны з Індыяй і Ірляндыяй.

2009 — з нагоды перадачы запрашэньня беларускаму кіраўніцтву для ўдзелу ў саміце Ўсходняга партнэрства ў Празе чэскі прэзыдэнт Клаўс заявіў, што рукі Лукашэнку не падасьць. У выніку Лукашэнка ў Прагу не паехаў.

У памяці

1790 — памёр Бэнджамін Франклін, адзін з бацькоў-заснавальнікаў Злучаных Штатаў Амэрыкі

1891 — нарадзіўся Язэп Варонка, беларускі палітычны і дзяржаўны дзяяч, першы старшыня ўраду БНР

1894 — нарадзіўся Мікіта Хрушчоў, кіраўнік СССР

1899 — нарадзілася народная артыстка Беларусі Лідзія Ржэцкая

1931 — нарадзіўся Вацлаў Жыдліцкі, чэскі перакладчык беларускае літаратуры

1935 — нарадзіўся Анатоль Клышка, беларускі мовазнаўца і крытык

1936 — нарадзіўся Міхась Рудкоўскі, беларускі паэт і перакладчык

1938 — нарадзіўся Васіль Лявонаў, былы міністар сельскай гаспадаркі Беларусі, адзін зь лідэраў апазыцыі

1981 — нарадзіўся Юры Жаўноў, прафэсійны футбольны гулец зь Беларусі

2014 — у Мэксыцы ва ўзросьце 87 гадоў памёр ляўрэат Нобэлеўскай прэміі ў літаратуры Габрыэль Гарсія Маркес.

Цытата

«Не губляй час на чалавека, які не імкнецца правесьці яго з табой»

Габрыэль Гарсія Маркес

XS
SM
MD
LG