Лінкі ўнівэрсальнага доступу

Пуцін паабяцаў разабрацца зь беларускім малаком


Падчас наўпроставай лініі з Уладзімірам Пуціным прэзыдэнт Расеі згадаў пра Беларусь – у нэгатыўным ключы. Адказваючы на пытаньне амэрыканскага фэрмэра, якія жыве ў Расеі, ён прызнаў, што разьвіцьцю малочнай прамысловасьці ў Расеі перашкаджае паток прадукцыі зь Беларусі. «Зь Беларусі завозяць вялікую колькасьць сухога малака, і гэта паніжае цэны ў Расеі. Мы павінны будзем разабрацца з партнэрамі і дамовіцца пра адзіны ўзровень субсыдаваньня сельскай гаспадаркі».

Акрамя таго, у Пуціна запыталіся, чаму ідзе падман з імпартазамяшчэньнем, які абяцалі расейскім вытворцам у сувязі з увядзеньнем «антысанкцыяў». Маўляў, польскія яблыкі і іншыя імпартныя тавары з эўрапейскіх краін прыходзяць у Расею, як і раней, толькі бяз цэтлікаў і праз трэція краіны.

Пуцін фактычна прызнаў, што тавары ў Расею паступаюць праз трэція краіны, і што прадукцыя замежных вытворцаў па-ранейшаму патрапляе на расейскія прылаўкі. Віну за гэта ён усклаў на «недобрасумленных мытнікаў», паабяцаўшы разабрацца, але зазначыў, што ўлада бачыць сваёй мэтай ня столькі змаганьне з ім, колькі разьвіцьцё ўласнай вытворчасьці.

Пры гэтым Пуцін сказаў, што, па-шчырасьці, рээкспарт харчоў праз трэція краіны зьмякчае сытуацыю з цэнамі на расейскім рынку.

Раней прадстаўнікі расейскага ўраду неаднаразова вінавацілі Беларусь у рээкспарце забароненых у Расеі харчовых прадуктаў з Эўразьвязу.

Адказваючы на пытаньне пра вынікі апошняга году, Уладзімер Пуцін таксама заявіў, што заходнія санкцыі скіраванаыя на тое, каб стрымаць эканамічнае разьвіцьцё Расеі.

XS
SM
MD
LG