13 красавіка 2015 году судом Чыгуначнага раёна Віцебска вынесены вырак у дачыненьні да былога сьледчага міжраённага аддзела Сьледчага камітэта Рэспублікі Беларусь.
Старшы лейтэнант юстыцыі купляў з мэтай перапродажу розныя наркатычныя і псыхатропныя рэчывы. Праз інтэрнэт ён зьвязваўся з патэнцыйнымі пакупнікамі, якія дасылалі яму грошы на электронны кашалёк, пасьля чаго паведамляў ім праз інтэрнэт месцазнаходжаньне схованкі, дзе захоўвалася прадаванае ім рэчыва.
Падсудны прызнаны вінаватым у незаконным абароце асабліва небясьпечных псыхатропных рэчываў і асуджаны да пакараньня ў выглядзе 12 гадоў пазбаўленьня волі з канфіскацыяй маёмасьці, з адбываньнем пакараньня ў папраўчай калёніі ва ўмовах ўзмоцненага рэжыму, — паведамляе прэсавая служба Вярхоўнага суда Беларусі.