Лінкі ўнівэрсальнага доступу

Беларускія дэсантнікі высадзяцца на Паўночным полюсе


Ілюстрацыйнае фота

Ілюстрацыйнае фота

Вайскоўцы сілаў спэцыяльных апэрацый узброеных сілаў Беларусі ўпершыню ў гісторыі зробяць дэсантаваньне з парашутамі на дрэйфуючую крыгу ў цэнтральнай акваторыі Паўночнага Ледавітага акіяну.

Пра гэта паведаміла міністэрства абароны на сваім сайце.

Вучэньні ў Арктыцы пройдуць сумесна з кантынгентамі калектыўных сілаў апэратыўнага рэагаваньня дзяржаваў-чальцоў АДКБ.

Папярэдне беларускія вайскоўцы, якія возьмуць удзел у дэсантаваньні, прайшлі падрыхтоўку на базе расейскай 76-й гвардзейскай дэсантна-штурмавой дывізіі, якая базуецца ўва Пскове.

Вучэбная гуманітарная апэрацыя праводзіцца ва ўзаемадзеяньні з ваенна-транспартнай авіяцыяй Расеі і экспэдыцыйным цэнтрам Расейскага геаграфічнага таварыства.

Паказаць камэнтары

XS
SM
MD
LG