Лінкі ўнівэрсальнага доступу

Ужо сёньня, 7 красавіка. 220 гадоў мэтру і кіляграму, пятая гадавіна рэвалюцыі ў Кіргізстане


Толькі мая Беларусь. Крэпасць-герой Берасцье

Толькі мая Беларусь. Крэпасць-герой Берасцье

Бліц-агляд падзеяў і датаў гэтага дня.

Новае фота кожны дзень, увесь год. Прысылайце сюды свае здымкі гарадзкіх і прыродных краявідаў, падзеяў і зьяваў жыцьця ў 2015. Пажадана дасылаць фота ў прапорцыі 9 на 16. Усе аўтары фота, апублікаваных на сайце Свабоды, атрымаюць прызы. Тры найбольш папулярныя здымкі месяца будуць адзначаныя асобна.

Афіша:

Дабравешчаньне ў праваслаўных цэрквах, якія карыстаюцца Юліянскім календаром.

Сусьветны дзень здароўя.

Беларусь наведае генэральны сакратар Сусьветнай турысцкай арганізацыі Талеб Рыфаі. Праграмай візыту прадугледжаны ўдзел у міжнароднай канфэрэнцыі «Устойлівы турызм для эканамічнага разьвіцьця рэгіёнаў», а таксама ў адкрыцьці 18-га міжнароднага вясновага кірмашу турысцкіх паслугаў «Адпачынак — 2015».

Вярхоўны суд (вул. Леніна, 28, 2 пад’езд) разгледзіць скаргу заснавальнікаў «Беларускай камуністычнай партыі працоўных» на сёмую адмову міністэрства юстыцыі ў рэгістрацыі аб’яднаньня. Пачатак у 11 гадзінаў.

Гародня, галерэя «Крыга» (вул. Савецкая, 3), беларускі ПЭН-цэнтар сумесна з пасольствам Польшчы ладзіць чацьвёртую імпрэзу з сэрыі «Сустрэчы з Гедройцам». Удзельнічаюць старшыня ПЭН-цэнтру Андрэй Хадановіч, пісьменьнікі Павал Касцюкевіч і Артур Клінаў. Пачатак у 18 гадзінаў.

Менск, крэатыўная прастора ЦЭХ (вул. Кастрычніцкая, 16), лекцыя чэскага навукоўца Вікторыі Шміт «Фільмы-казкі сацыялістычнай Чэхаславаччыны і палітыка ў дачыненьні жанчынаў». Пачатак у 18-30

У Таліне адбудуцца беларуска-эстонскія кансультацыі па эканамічных пытаньнях на ўзроўні намесьнікаў міністраў замежных спраў. Бакі абмяркуюць узаемадзеяньне ў сфэры транспарту і лагістыкі, супрацоўніцтва ў галіне IT-тэхналёгій, функцыянаваньне Эўразійскага эканамічнага саюзу.

У гісторыі:

1348 — Імпэратар Карл IV заснаваў унівэрсытэт у Празе.

1559 — беларускае мястэчка Крэва атрымала магдэбурскае права.

1795 — У Францыі прыняты закон, які ўвёў мэтрычную сыстэму і вызначыў адзінкі даўжыні — мэтр і масы — кіляграм.

1837 — апублікаваная казка «Русалачка» Ганса Крысьціяна Андэрсэна.

1917 — у Менску адкрыўся Зьезд беларускіх нацыянальных арганізацыяў. 150 дэлегатаў зьезду выпрацавалі праграму беларускага руху. Дэлегаты стварылі Беларускі нацыянальны камітэт на чале з Раманам Скірмунтам, вырашылі заснаваць Беларускі ўнівэрсытэт і перавесьці ўсю пачатковую адукацыю ў Беларусі на беларускую мову.

1939 — Напад фашысцкай Італіі на Альбанію.

1948 — Заснаваная Сусьветная арганізацыя аховы здароўя.

1963 — Новая югаслаўская канстытуцыя абвяшчае Ёсіпа Броза Ціта пажыцьцёвым прэзыдэнтам краіны.

1965 — Уладзімер Караткевіч напісаў першыя радкі свайго знакамітага раману «Хрыстос прызямліўся ў Гародні».

1969 — Сымбалічная дата нараджэньня інтэрнэту. У гэты дзень быў апублікаваны пакет дакумэнтаў, якія прапанавалі тэарэтычныя прынцыпы кампутарных сетак.

1994 — пачатак генацыду ў Руандзе — за 100 дзён былі забітыя больш за 900 тысяч чалавек.

2009 — Масавыя беспарадкі ў Малдове, выкліканыя вынікамі парлямэнцкіх выбараў.

2010 — другая рэвалюцыя ў Кіргізстане, адхіленьне ад улады прэзыдэнта Курманбека Бакіева, які потым знайшоў прытулак у Беларусі.

У гэты дзень нарадзіліся:

1821 — Шарль Бадлер, францускі паэт

1880 — Язэп Дыла, беларускі празаік, драматург, грамадзкі, палітычны і культурны дзяяч

1889 — Габрыела Містраль, Нобэлеўскі ляўрэат па літаратуры

1914 — Кірыла Мазураў, савецкі партыйны і дзяржаўны дзяяч, першы сакратар ЦК КПБ у 1956-65 гадах

1947 — Валер Славук, беларускі мастак

У гэты дзень памерлі:

1614 — Эль Грэка, гішпанскі мастак

1860 — Караль Падчашынскі, архітэктар, прадстаўнік клясыцызму, прафэсар Віленскага ўнівэрсытэту

1973 — Язэп Дыла, беларускі пісьменьнік і культурны дзяяч

1983 — Ларыса Геніюш, беларуская паэтка

Цытата:

Сёньня ж на пласе родная мова,
Вырваць жывую належыць з агню,
Слова «кахаю» — слабае слова,
Мужнае слова — абараню!!!

Ларыса Геніюш

Паказаць камэнтары

XS
SM
MD
LG