Пра гэта паведамляе Праваабарончы цэнтар «Вясна».
Справу разглядаў судзьдзя Вікторыя Шабуня.
Рамановіча вінавацяць у непадпарадкаваньні супрацоўнікам міліцыі і дробным хуліганстве. Ноч да суду ён правёў у пастарунку.
Яго затрымалі разам зь дзяўчынай, якую пазьней адпусьцілі з Цэнтральнага РУУС.
Праваабаронцы не выключаюць, што прычынай затрыманьня стаў распаўсюд інфармацыйных матэрыялаў.
Станіслаў Рамановіч быў сябрам «Маладога фронту». Ён сьцьвярджае, што за грамадзкую дзейнасьць яго адлічылі з магілёўскага ўнівэрсытэту імя Куляшова. Амаль адразу па адлічэньні забралі ў войска. Зь ягоных слоў, і падчас службы ён прапагандаваў беларушчыну.