Лінкі ўнівэрсальнага доступу

Парашэнка гатовы правесьці рэфэрэндум аб дзяржаўным ладзе Ўкраіны


Пятро Парашэнка

Прэзыдэнт Украіны Пятро Парашэнка заявіў, што Ўкраіна застанецца ўнітарнай дзяржавай, паколькі такую мадэль падтрымліваюць да 90% грамадзянаў краіны.

Адначасова Парашэнка гатовы правесьці рэфэрэндум аб дзяржаўным ладзе.

Пра гэта прэзыдэнт Украіны заявіў на першым пасяджэньні Канстытуцыйнай камісіі. У сваім выступе Парашэнка параўнаў ідэю фэдэралізацыі з «інфэкцыяй, біялягічнай зброяй, якую Ўкраіне спрабуюць навязаць з-за мяжы». Паводле яго, у ходзе дэцэнтралізацыі ўлады ва Ўкраіне будуць пераразьмеркаваныя некаторыя паўнамоцтвы, але «сутнасьць формы праўленьня ня зьменіцца».

Менскія дамоўленасьці прадугледжваюць прыняцьце новай канстытуцыі Ўкраіны да канца 2015 году. Галоўная ўмова рэформы — дэцэнтралізацыя ўлады «з улікам асаблівасьцяў асобных раёнаў Данецкай і Луганскай абласьцей, узгодненых з прадстаўнікамі гэтых раёнаў», а таксама ўвядзеньне для гэтых рэгіёнаў асаблівага статусу на пастаяннай аснове.

XS
SM
MD
LG