Падзеі і даты новага дня.
Фота дня:
Новае фота кожны дзень, увесь год. Прысылайце сюды свае здымкі гарадзкіх і прыродных краявідаў, падзеяў і зьяваў жыцьця ў 2015. Пажадана дасылаць фота ў прапорцыі 9 на 16. Усе аўтары фота, апублікаваных на сайце Свабоды, атрымаюць прызы. Тры найбольш папулярныя здымкі месяца будуць адзначаныя асобна.
Афіша:
Плятформа пэрфарматыўных практык «зЕрне» запрашае на прагляд фільмаў «Югаславія» і «Работнік культуры 3у1» кінарэжысэра, відэамастачкі і культурнага работніка з Сэрбіі Марты Папіводы. Пасьля паказаў плянуюцца дыскусіі з удзелам аўтара.
Падзея адбудзецца ў прасторы ЦЭХ (вул. Кастрычніцкая, 16), пачатак у 19.00
У Выканкаме СНД ў Маскве адбудзецца пасяджэньне экспэртнай групы па ўзгадненьні праекту Пляну супольных дзеяньняў дзяржаў-удзельніц СНД па рашэньні актуальных пытаньняў у фінансава-эканамічнай сфэры.
У сядзібе ТБМ (Менск, вул. Румянцава, 13) адбудзецца паэтычная вечарына сяброў ТБМ. У праграме выступы Яўгена Гучка, Святланы Багданкевіч і іншых. Пачатак 18.30.
У Горадні на адной вечарыне адбудзецца тры прэзентацыі: творчая сустрэча з аўтарамі і выдаўцамі «Шлюбных і пазашлюбных стасункаў шляхты ВКЛ», «Гарадзенскага міленіуму» і «Бітвы пад Оршай». У сустрэчы возьмуць удзел гісторык Наталля Сліж і выдавец Валер Булгакаў. Вечарына адбудзецца па адрасе: вул. Будзённага 48 а, пакой 100. Пачатак а 18.30.
ГЭТЫ ДЗЕНЬ У ГІСТОРЫІ
1869 — Дзьмітры Мендзялееў публічна прадставіў сваю пэрыядычную табліцу элемэнтаў.
1944 — пачалося фармаваньне Беларускай Краёвай Абароны.
1990 — у Менску было створанае Згуртаваньне беларусаў сьвету «Бацькаўшчына», якое арганізацыйна аб’ядноўвае ўсе беларускія асяродкі ва ўсім сьвеце.
У гэты дзень нарадзіліся:
1483 — Рафаэль, італьянскі мастак і архітэктар.
1896 — Ізі Харык, беларускі габрэйскі паэт.
1905 — Мікола Хведаровіч, беларускі паэт.
1910 — Барыс Кіт, навуковец, дзяяч беларускай эміграцыі.
У гэты дзень памерлі:
1656 — Шыман Старавольскі, гісторык і пісьменьнік Вялікага княства Літоўскага.
1948 — Мікалай Шыла, беларускі грамадзка-палітычны дзяяч, журналіст.
1999 — Генадзь Карпенка, беларускі навуковец і палітык, дэпутат Вярхоўнага Савету 12 і 13 скліканьня. У 1996 годзе Карпенка, тагачасны намесьнік старшыні Вярхоўнага Савету, кіраваў працэсам імпічмэнту прэзыдэнта Лукашэнкі. У 1998 годзе стаў на чале Нацыянальнага выканаўчага камітэту, створанага перад заканчэньнем легітымнага тэрміну кіраваньня Лукашэнкі. Памёр у шпіталі пасьля выдаленьня гематомы. Сьмерць палітыка была нечаканай, бо перад гэтым ён ніколі ня скардзіўся на дрэннае здароўе.
ЦЫТАТА НА ПАМЯЦЬ:
«Тое, што я ўцёк у Амерыку — найвялікшае шчасце, бо захаваў жыццё і дасягнуў вяршынь у навуцы. Як напісаў адзін літаратар, у Амерыцы я трапіў у вока касмічнага ўрагану. Спаткаў найвялікшых людзей свету... Пры гэтым я ўсім гаварыў, што выйшаў з Беларусі, з самай беднай вёскі, і што я гэтым ганаруся».
Барыс Кіт