Лінкі ўнівэрсальнага доступу

Ужо сёньня, 31 сакавіка: 330 гадоў з дня нараджэньня Ёгана Сэбасьцьяна Баха


Фота дня: Вілейшчына, студзень 2014
Фота дня: Вілейшчына, студзень 2014

Бліц-агляд падзеяў і датаў гэтага дня.

Афіша:

У Менску ў Акадэміі кіраваньня пры прэзыдэнце (вул. Карла Маркса, 22), першая ў Беларусі канфэрэнцыя «Тэхналёгіі абароны інфармацыі і інфармацыйная бясьпека арганізацый». Пачатак у 9 гадзінаў.

Менск, галерэя сучаснага мастацтва «Ў» (пр-т Незалежнасьцi 37а), пачатак чацьвёртага фэстывалю мастацтва і адукацыі АРТЕС Liberales: TIME CODE. Прэсавая канфэрэнцыя з нагоды адкрыцьця фэстывалю у 17 гадзінаў.

Менск, паб-клюб «Графіці» (зав. Калініна, 16), Першы «ART JAM». Пачатак у 19 гадзінаў

У гісторыі:

1814 — у паселішчы Лавілет была падпісаная капітуляцыя Парыжу, якая паклала канец напалеонаўскім войнам. У францускую сталіцу ўвайшлі расейскія войскі на чале з імпэратарам Аляксандрам I.

1889 — афіцыйнае адкрыцьцё Эйфэлевай вежы.

1967 — Пасьля рашэньня Францыі аб выхадзе з ваеннай арганізацыі НАТА штаб-кватэра арганізацыі была перанесеная з Парыжу ў сталіцу Бэльгіі Брусэль.

1980 — уручэньне Леаніду Брэжневу Ленінскай прэміі па літаратуры за нібыта напісаныя ім кнігі ўспамінаў «Малая зямля» і «Адраджэньне».

1991- на рэфэрэндуме ў Грузіі 90% насельніцтва прагаласавала за незалежнасьць.

1991 — на пазачарговай нарадзе Палітычнага кансультатыўнага камітэту краін Варшаўскай дамовы прынятае рашэньне аб скасаваньні ваенных структураў арганізацыі.

1999 — выйшаў у сьвет адзін з найбольш вядомых навукова-фантастычных фільмаў — «Матрыца».

У гэты дзень нарадзіліся:

1685 — Ёган Сэбасцьян Бах, нямецкі кампазытар

1926 — Джон Фаўлз, ангельскі раманіст.

1949 — Зьміцер Санько, беларускі біёляг, адзін з заснавальнікаў Таварыства беларускай мовы імя Францішка Скарыны.

1962 — Міхал Вівэг, чэскі пісьменьнік.

У гэты дзень памерлі:

1727 — Ісак Ньютан, ангельскі фізык, матэматык і астраном, аўтар фундамэнтальнай працы «Матэматычныя пачаткі натуральнай філязофіі», у якой апісаў закон сусьветнага прыцягненьня і так званыя Законы Ньютана, якія заклалі асновы клясычнай мэханікі.

1969 — Мікола Шчаглоў-Куліковіч, беларускі кампазытар і музыколяг, дзяяч беларускага руху ў эміграцыі. На лібрэта Натальлі Арсеньневай напісаў дзьве опэры: лірычна-рамантычную «Лясное возера» і гістарычную «Усяслаў Чарадзей».

Цытата:

Граць на любым музычным інструмэнце вельмі лёгка: усё, што для гэтага патрабуецца — націскаць у патрэбны час на патрэбную клявішу. А граць ён будзе сам.

Іаган Сэбасьцян Бах

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG