Дзейны прэзыдэнт Узбэкістану Іслам Карымаў у чацьвёрты раз выйграў выбары на пасаду кіраўніка краіны.
Пра гэта заявіла Цэнтральная выбарчая камісія Ўзбэкістану. Выбары прайшлі ўчора. За Карымава прагаласавалі больш за 17 мільёнаў чалавек.
Міжнародныя назіральнікі і апанэнты ўлады ва Ўзбэкістане крытыкуюць гэтыя вынікі.
Іслам Карымаў знаходзіцца ва ўладзе больш за 25 гадоў. За гэты час за кратамі ва Ўзбэкістане былі і застаюцца тысячы палітычных зьняволеных, а таксама апанэнты прэзыдэнта.
У апошніх выбарах удзельнічалі трое альтэрнатыўных кандыдатаў, якія, аднак, малавядомыя ў краіне і ня могуць лічыцца сапраўднымі апанэнтамі Карымава. Ніводнага незалежнага кандыдата не зарэгістравалі.
