Лінкі ўнівэрсальнага доступу

logo-print

Выбух у Адэсе кваліфікуецца як тэракт, пацярпелых няма — МУС Украіны


Фота з выбуху ў Адэсе 22 сакавіка

Фота з выбуху ў Адэсе 22 сакавіка

Міністэрства ўнутраных справаў Украіны паведамляе ў нядзелю, 29 сакавіка, што выбух, які адбыўся ў Адэсе вечарам у суботу, 28 сакавіка, папярэдне кваліфікуецца па частцы 1 артыкулу 258 Крымінальнага кодэксу Ўкраіны — «тэрарыстычны акт».

Пацярпелых у выніку выбуху няма, пашкоджаньні атрымалі нежылыя памяшканьні адной з грамадзкіх арганізацый, якая займаецца дапамогай воінам АТО, і кватэры насупраць, у якіх выбіла шыбы, гаворыцца ў паведамленьні.

Выбуховае прыстасаваньне спрацавала на падвоканьні будынка на вуліцы Старапартафранкаўскай. Яго магутнасьць ацэньваецца прыкладна ў 600 грамаў у трацілавым эквіваленце, паведамілі ў МУС Украіны.

У Адэсе ў апошні час пачасьціліся выбухі. Як паведамляў раней кіраўнік аддзелу сувязяў з грамадзкасцю ГУ МУС Украіны ў Адэскай вобласьці Уладзімір Шабліенка, выбухі ў горадзе адбываюцца прыкладна ў адзін і той жа час. Паводле яго словаў, калі раней зламысьнікі выбіралі за мэту валянтэрскія арганізацыі або людныя месцы, то цяпер гэтыя выбухі адбываюцца хутчэй для таго, каб пасеяць паніку сярод насельніцтва.

XS
SM
MD
LG