Лінкі ўнівэрсальнага доступу

Адам Міхнік: Украіна стала для рэжыму Пуціна «другім Аўганістанам»


Адам Міхнік

Адам Міхнік

Тое, што ўкраінская армія спыніла ўварваньне Расеі, зьяўляецца другой паразай Масквы пасьля Аўганскай вайны. Такую заяву зрабіў польскі праваабаронца, былы дысыдэнт і цяпер галоўны рэдактар выданьня Gazeta Wyborcza Адам Міхнік. Ён выступіў у эфіры тэлеканалу TVN24.

Паводле Міхніка, «Украіна спыніла нашэсьце Пуціна». СССР урываецца ў Вугоршчыну і Чэхаславаччыну, усталяваўшы там свой рэжым, але яму не ўдалося зрабіць гэта ў Аўганістане. Украіна, паводле Міхніка, стала для Расеі «другім Аўганістанам».

Выступаючы на польскім тэлеканале, Міхнік адзначыў, што прэзыдэнт Расеі сам загнаў сябе ў пастку. Першай памылкай Пуціна, як лічыць праваабаронца, быў ціск на Віктара Януковіча з мэтай ня даць прэзыдэнту Ўкраіны падпісаць пагадненьне аб асацыяцыі з ЭЗ. Другой памылкай Пуціна, — сказаў Міхнік, — стала ўпэўненасьць расейскага прэзыдэнта ў тым, што ўкраінцаў можна зламаць сілай. І трэцяй памылкай крамлёўскага лідэра, паводле Адама Міхніка, стаў разьлік на тое, што НАТА і ЭЗ ня стануць рэагаваць на канфлікт Масквы з Кіевам, а значыць, Расея зможа лёгка заняць усход Украіны, як і Крым.

Галоўны рэдактар польскага выданьня Gazeta Wyborcza Адам Міхнік лічыць, што цяпер расейскі прэзыдэнт аказаўся ў ізаляцыі, таму што Пуціну ніхто ня верыць.

Адам Міхнік ацаніў цяперашні палітычны рэжым у Расеі як «гнілы аўтарытарызм».

Паводле TVN24

Паказаць камэнтары

XS
SM
MD
LG