Лінкі ўнівэрсальнага доступу

Ужо сёньня 28 сакавіка 2015: Дыктоўка ў Горадні; «Крама» ў Менску


Мёнтак Рэйтанаў Грушаўка. Флігель, у якім пражыў апошнія дні Тадэвуш Рэйтан.

Мёнтак Рэйтанаў Грушаўка. Флігель, у якім пражыў апошнія дні Тадэвуш Рэйтан.

Пра падзеі новага дня, якія чакаюць Беларусь і сьвет сёньня.

Новае фота кожны дзень, увесь год. Загружайце сюды свае здымкі гарадзкіх і прыродных краявідаў, падзеяў і зьяваў жыцьця ў 2015 альбо на поштуradiosvaboda@gmail.com. Пажадана дасылаць фота ў прапорцыі 16 на 9. Усе аўтары фота, апублікаваных на сайце Свабоды, атрымаюць прызы. Тры найбольш папулярныя здымкі месяца будуць адзначаныя асобна.

Афіша:

У Менску ў сядзібе Таварыства беларускай мовы імя Францішка Скарыны адбудзецца міжнародная канфэрэнцыя «Моўныя правы і іх абарона». Пачатак рэгістрацыі ў 9.00.

У Горадні пройдзе традыцыйная беларуская дыктоўка. Адрас: памяшканьне № 100 па вул. Будзённага, 48а. Пачатак у 16.00.

У менскім клюбу «Re: Public» з канцэртам выступіць гурт «Крама». Пачатак у 19.00.

У Нацыянальным мастацкім музэі ў рамках выставы «Mater Dei. Іканаграфія адной любві» адбудзецца канцэрт «Страсці Хрыстовы» ў «Добра тэмпэраваным клявіры» Ёгана Сэбастыяна Баха ў выкананьні ляўрэата міжнародных конкурсаў Аляксея Пшанічнага. Уваход па квітку ў музэй. Пачатак у 17.00.

У гісторыі:

1958 — створанае Сталае прадстаўніцтва Беларусі пры ААН.

1989 — прыняў першых пасажыраў міжнародны аэрапорт «Менск-2».

У памяці:

1515 — нарадзілася Тэрэза Авільская, каталіцкая сьвятая.

1919 — нарадзілася беларуская пісьменьніца Вера Палтаран.

1934 — нарадзіўся беларускі паэт, перакладчык, фальклярыст Кастусь Цьвірка.

1938 — нарадзіўся Ўладзімер Раговіч, беларускі харавы дырыжор, фальклярыст, пэдагог.

1940 — нарадзіўся Ўладзімер Мархель, беларускі літаратуразнаўца і паэт.

1985 — памёр сусьветна вядомы мастак Марк Шагал.

1995 — памёр Чэслаў Найдзюк, беларускі грамадзкі дзяяч.

Цытата:

«Твае недамоўкі, мае недаверы
Расплавіць спагадна ратунак вачэй,
I выплача рэўнасьць няспаных начэй
Твае надамоўкі, мае недаверы.
Расьсеюцца здані, прывіды, хімэры,
I поўні пагляду стане лягчэй,
Калі недамоўкі, калі недаверы
Расплавіць спагадна ратунак вачэй».

Уладзімер Мархель

Паказаць камэнтары

XS
SM
MD
LG