Лінкі ўнівэрсальнага доступу

Moody’s лічыць дэфолт Украіны «практычна» непазьбежным


Рэйтынгавае агенцтва Moody’s панізіла крэдытны рэйтынг Украіны да перадапошняга ніжняга ўзроўню, папярэдзіўшы, што крэдыторам пагражаюць сур’ёзныя страты пры перамовах аб рэструктурызацыі доўгу з трымальнікамі аблігацый.

Хоць Кіеў вядзе папярэднія перамовы аб рэструктурызацыі большай часткі доўгу па эўрааблігацыях, рэйтынгавае агенцтва заявіла, што верагоднасьць дэфолту па выплаце крэдыту МВФ у 40 мільярдаў даляраў «складае практычна 100 працэнтаў».

Украіна пачала перамовы з крэдыторамі пра скарачэньне выдаткаў на абслугоўванне доўгу на 15 мільярдаў даляраў на працягу чатырох гадоў у рамках пакету дапамогі МВФ, ухваленага раней у гэтым месяцы. Moody’s паведамляе, што яго нэгатыўны прагноз адлюстроўвае чаканьні экспэртаў агенцтва, што дзяржаўны і зьнешні доўг Украіны застануцца высокімі, нягледзячы на рэструктурызацыю доўгу і пляны правесьці эканамічныя рэформы.

Міністар фінансаў Украіны Натальля Ярэська заявіла агенцтву Bloomberg раней на гэтым тыдні, што спад украінскай эканомікі ў першым квартале 2015 году можа скласьці 10%.

Яна таксама паведаміла, што з прычыны канфлікту з сэпаратыстамі золатавалютныя рэзэрвы краіны ў лютым зьнізіліся да рэкорднага ўзроўню 5,62 мільярда даляраў.​

XS
SM
MD
LG