У бібліятэцы Беларускай клюбоўні ў Празе адзначылі Дзень волі і прэзэнтавалі новую кнігу з сэрыі «Бібліятэка Свабоды. XXI стагодзьдзе».
Праскія беларусы заслухалі прывітаньне, якое даслала Старшыня Рады Беларускай Народнай Рэспублікі Івонка Сурвіла.
Затым палітык і мовазнаўца, адзін з заснавальнікаў БНФ Вінцук Вячорка распавёў пра сваё бачаньне сучаснага палітычнага працэсу ў Беларусі.
Затым адбылася прэзэнтацыя кнігі Сяргея Навумчыка «Дзевяноста чацьверты», якая выйшла ў сэрыі «Бібліятэка Свабоды. XXI стагодзьдзе».
Паводле аўтара, гэтая кніга тэматычна працягвае папярэднюю («Дзевяноста першы»), прысьвечаную здабыцьцю незалежнасьці Беларусі.
У новай кнізе аўтар, якому давялося быць удзельнікам і сьведкам падзеяў, апісвае першыя прэзыдэнцкія выбары.
