Прэзыдэнт Беларусі Аляксандар Лукашэнка, які прыбыў у Казахстан сёньня з афіцыйным візытам, пажадаў Нурсултану Назарбаеву перамогі на пазачарговых выбарах.
«Мы за вас перажываем і жадаем вам перамогі», — сказаў Лукашэнка. Пра гэта паведаміла прэс-служба казахстанскага лідэра.
Пазачарговыя выбары прэзыдэнта Казахстану Ўказам кіраўніка дзяржавы прызначаныя на 26 красавіка сёлета. На гэты момант Цэнтральнай выбарчай камісіяй зарэгістраваныя тры кандыдаты. Назарбаеў — нязьменны лідар незалежнага Казахстану ад 1991 году. Наступны тэрмін прэзыдэнцтва будзе для яго пятым.