Лінкі ўнівэрсальнага доступу

Пуцін назваў ЗША «лялькаводамі дзяржаўнага перавароту на Ўкраіне»


Прэзыдэнт Расеі Ўладзімер Пуцін сказаў, што, на яго думку, за зьменай ўлады ў Кіеве ў мінулым годзе стаялі ЗША.

«Фармальна апазыцыю перш за ўсё падтрымлівалі эўрапейцы, але мы выдатна ведалі, ня проста меркавалі, а ведалі, што рэальнымі лялькаводамі былі нашы амэрыканскія партнэры і сябры. Гэта яны дапамагалі рыхтаваць нацыяналістаў, яны дапамагалі рыхтаваць баявыя атрады», — сказаў Пуцін у фільме «Крым. Шлях на Радзіму».

Па словах Пуціна, «падрыхтоўка баявых атрадаў» адбывалася на тэрыторыі Польшчы і Літвы.

«Як паступілі нашы партнэры? Спрыялі зьдзяйсьненьню дзяржаўнага перавароту. Гэта значыць, пачалі дзейнічаць з пазыцыі сілы. Я ня думаю, што гэта самы лепшы спосаб вядзеньня справаў», — дадаў Пуцін.

Таксама ён сказаў, што галоўнай мэтай расейскай анэксіі Крыму было недапушчэньне кровапраліцьця.

Па словах Пуціна, «падрыхтоўка баявых атрадаў» адбывалася на тэрыторыі Польшчы і Літвы.

«Упэўнены, што, маючы на ўвазе этнічны склад насельніцтва ў Крыме, там было б яшчэ горш (чым на Майдане). Мы павінны былі распачаць пэўныя дзеяньні па недапушчэньні такога нэгатыўнага развіцьця падзей, каб не было трагедый, якія пазьней разыграліся ў Адэсе, калі жыўцом былі спаленыя дзясяткі людзей. Нам нельга было ні ў якім выпадку дапусьціць кровапраліцьця», — сказаў Пуцін у фільме, паказаным на тэлеканале Расія 1.

Паказаць камэнтары

XS
SM
MD
LG