Лінкі ўнівэрсальнага доступу

Стралкоў: Пуціна можа чакаць лёс імпэратара Мікалая II


Былы «міністар абароны» самаабвешчанай ДНР Ігар Стралкоў заявіў сёньня ў Екацярынбургу, што прэзыдэнта Расеі Ўладзіміра Пуціна можа чакаць лёс расейскага імпэратара Мікалая II, расстралянага на Ўрале ў 1918 годзе, паведамляе інтэрнент-выданьне Znak.com.

Стралкоў выступіў на сустрэчы з аднадумцамі ў «царскай зале» Уральскага горнага унівэрсытэту з нагоды прэзэнтацыі мясцовага аддзяленьня руху «Наваросіі». Былы камандзір узброеных сэпаратыстаў у Данбасе таксама выказаў здагадку, што іншым «варыянтам» завяршэньня палітычнай кар’еры Пуціна можа стаць лёс сэрбскага лідэра Слабадана Мілошавіча, адданага суду Гааскага трыбуналу, які памёр у 2006 годзе ў турме ў Гаазе.

Паказаць камэнтары

XS
SM
MD
LG