Лінкі ўнівэрсальнага доступу

Чыноўніцу пакараюць за расейскамоўны адказ грамадзянам


Ян Дзяржаўцаў
Ян Дзяржаўцаў

У Віцебску чыноўніцу раённай адміністрацыі, якая не дазволіла апазыцыйны пікет, пакараюць не за забарону акцыі, а за тое, што напісала заяўнікам адмову не на той мове, на якой яны зьвярталіся.

Як паведамляе Праваабарончы цэнтар «Вясна», скаргу на службовую асобу ў Віцебскі гарвыканкам падавалі сябры КХП-БНФ Ян Дзяржаўцаў, Пятро Сарапеня і Алег Емяльянаў.

Намесьніца старшыні адміністрацыі Першамайскага раёну Віцебска Вольга Гурчанка адказала на іх заяўку на пікет, складзеную па-беларуску, на расейскай мове. Гэткім чынам, на думку скаржнікаў, чыноўніца парушыла Закон аб зваротах грамадзян і юрыдычных асоб, які патрабуе ад службоўцаў адказваць на мове звароту.

Адказ на іх скаргу падпісаў намесьнік старшыні Віцебскага гарвыканкаму Дзьмітры Шэрыкаў. Згодна з гэтым адказам, Гурчанка згаданы закон не парушыла, бо парадак падачы і разгляду заявак на правядзеньне масавых мерапрыемстваў рэгулюецца Законам аб масавых мерапрыемствах, а Закон аб зваротах грамадзян ня тычыцца тых зваротаў, у дачыненьні да якіх заканадаўчымі актамі вызначаны адмысловы парадак іх падачы і разгляду. Тым не менш гарвыканкам прызнаў, што чыноўніца парушыла іншы закон — аб мовах: «Артыкулам 5 Закону Рэспублікі Беларусь «Аб мовах у Рэспубліцы Беларусь» гарантаванае права грамадзян атрымліваць адказ на мове звароту.

"За парушэньне гэтага артыкулу ў дачыненьні да намесьніцы кіраўніка адміністрацыі Першамайскага раёну Віцебска Гурчанкі В.В. будуць прымененыя меры дысцыплінарнага характару",— паведаміў намесьнік старшыні Віцебскага гарвыканкаму.

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG