Тэры Прачэт вядомы перш за ўсё як аўтар сатырычнага цыклу фэнтэзі «Пляскаты сьвет» (Discworld). У 1990-х ён быў адным з найбольш пасьпяховых пісьменьнікаў у Вялікабрытаніі з камэрцыйнага гледзішча. Ягоныя кнігі былі перакладзеныя на амаль 40 моваў сьвету і прадаліся агульным накладам 70 мільёнаў асобнікаў.
У сьнежні 2007 году пісьменьнік заявіў, што ён пакутуе ад раньняй формы хваробы Альцгаймэра. Тым ня менш ён працягваў працаваць і сваю апошнюю кнігу закончыў летам 2014 году.