Лінкі ўнівэрсальнага доступу

logo-print

Гей-актывісты, фэміністкі і антыклерыкалы прыйшліся маршам па Варшаве


У Варшаве ў Міжнародны жаночы дзень ужо ў шаснаццаты раз прайшла традыцыйная «Манiфа», дэманстрацыя фэміністак, прадстаўнікоў сэксуальных меншасьцяў і антыклерыкалаў.

Шумны і рознакаляровы паход, у якім прынялі ўдзел каля 2 тысяч чалавек, прайшоў пад дэвізам «Мы ў сябе дома» і з патрабаваньнямі роўнасьці, вырашэньня праблем выплаты алімэнтаў, неўмяшаньня Каталіцкай царквы ў справы дзяржавы і жанчын.

«Я прыйшоў, таму што выступаю за роўнасьць паміж жанчынамі і мужчынамі. Хачу падтрымаць тых, хто змагаецца за правы жанчын — гэта актуальная ня толькі для Польшчы, але і для многіх краін сьвету праблема», - сказаў Радыё Свабода адзін з удзельнікаў дэманстрацыі, якая скончылася ля сьценаў польскага парлямэнту.

Акцыя праходзіць пад транспарантамі «Хопіць махінацый з алімэнтамі», «Біскуп гэта ня Бог», «Ясьлі замест зброі», «Патрабуем мэдыцыны замест ідэалёгіі».

«Маніфа» традыцыйна праходзіць пад аховай паліцыі для таго, каб не дапусьціць інцыдэнтаў з удзелам прадстаўнікоў ультраправых арганізацый і футбольных хуліганаў.

XS
SM
MD
LG