Лінкі ўнівэрсальнага доступу

«Бока Харам» далучаецца да радыкальнага руху «Ісламская дзяржава»


Экстрэмісцкая групоўка «Бока Харам» абвясьціла аб далучэньні да радыкальнага руху «Ісламская дзяржава».

Запісаны гукавы зварот на арабскай мове з ангельскімі субтытрамі быў распаўсюджаны 7 сакавіка праз Твітэр ад імя Абубакар Шэкау, лідэра «Бока Харам».

У звароце гаворыцца, што «Бока Харам» пераходзіць у безумоўнае падпарадкаваньне кіраўніцтва «Ісламскай дзяржавы».

Заява «Бока Харам» зьявілася пасьля таго, як гэтая групоўка была абвінавачаная ў учыненых 7 сакавіка чатырох нападах сьмяротнікаў у горадзе Майдугуры на паўночным усходзе Нігерыі. Ахвярамі нападаў сталі 54 чалавекі, раненьні атрымалі больш за 140.

Выбухі прагрымелі адзін за адным на працягу чатырох гадзін у ажыўленых месцах горада, сярод якіх рыбны рынак і аўтобусная станцыя. Пяты напад адбыўся на блёкпасьце нігерыйскай арміі за 75 кілямэтраў ад Майдугуры.

XS
SM
MD
LG