Лінкі ўнівэрсальнага доступу

logo-print

Менск падрыхтаваў новую праграму супрацоўніцтва з МВФ


Дэвід Гофман

Дэвід Гофман

Новая праграма Беларусі з Міжнародным валютным фондам гатовая, заявілі беларускія ўлады.

Пра гэта паведаміў сёньня журналістам першы намесьнік міністра фінансаў Максім Ермаловіч, піша БелТА.

«Новая праграма гатовая. Мы гатовыя да яе абмеркаваньню і спадзяемся, што ў досыць кароткі тэрмін зможам узгадніць асноўныя пазыцыі з МВФ з пункту гледжаньня магчымасьці пачатку яе рэалізацыі», — сказаў Максім Ермаловіч.

Місія МВФ пад кіраўніцтвам Дэвіда Гофмана будзе працаваць у Менску з 5 па 16 сакавіка. Заплянаваныя сустрэчы экспэртаў МВФ у адміністрацыі прэзыдэнта, Нацбанку і Міністэрстве эканомікі. Гэтая штогадовая місія правядзе кансультацыі ў рамках чацьвёртага артыкула, гэта значыць — будзе займацца штогадовым аглядам разьвіцьця эканомікі Беларусі.

XS
SM
MD
LG