Лінкі ўнівэрсальнага доступу

Пуцін і Лукашэнка абмяркуюць сытуацыю ва Ўкраіне


Уладзімер Пуцін і Аляксандар Лукашэнка

Уладзімер Пуцін і Аляксандар Лукашэнка

Сёньня ў Маскве ў рамках паседжаньня дзяржсавету так званай Саюзнай дзяржавы Расеі і Беларусі Аляксандар Лукашэнка сустрэнецца з Уладзімерам Пуціным.

Памочнік расейскага кіраўніка Юрый Ушакоў паведаміў, што Ўладзімер Пуцін і Аляксандр Лукашэнка перад пасяджэньнем правядуць асобную двухбаковую сустрэчу, на якой будзе абмяркоўвацца, у тым ліку, сытуацыя ва Ўкраіне:

«Вядома, калі яны будуць сустракацца тэт-а-тэт, гэтая тэма будзе на сто адсоткаў абмяркоўвацца», — заявіў Ушакоў журналістам учора на брыфінгу.

Ён нагадаў, што за мінулы год Пуцін і Лукашэнка сустракаліся 11 разоў і 20 разоў размаўлялі па тэлефоне.

Па завяршэньні гутаркі плянуецца ўзнагароджаньне беларускага кіраўніка расейскім ордэнам Аляксандра Неўскага.

Паралельна пройдуць перамовы старшыняў урадаў дзьвюх краін.

Паказаць камэнтары

XS
SM
MD
LG