Лінкі ўнівэрсальнага доступу

У Польшчы стварылі прарасейскую партыю «Зьмена»


Дэманстрацыя ў Варшаве ў падтрымку Ўкраіны ў ліпені 2014 году (ілюстрацыйнае фота)

Дэманстрацыя ў Варшаве ў падтрымку Ўкраіны ў ліпені 2014 году (ілюстрацыйнае фота)

Лідэрам новай арганізацыі стаў былы дэпутат ад партыі «Самаабарона» Матэвуш Піскорскі, вядомы, між іншага, тым, што неаднаразова выказваўся ў падтрымку ўладаў Беларусі.

21 лютага ў Польшчы адбыўся ўстаноўчы зьезд партыі «Зьмена» (Zmiana), якая стаіць на антыамэрыканскіх пазыцыях і дамагаецца больш цесных сувязяў з Расеяй.

«Зьменаўцы» заявілі аб намеры выставіць свайго кандыдата на наступных прэзыдэнцкіх выбарах, якія адбудуцца ў Польшчы сёлета 10 траўня. Аднак імя будучага кандыдата пакуль не абвяшчалася.

Адзін з ініцыятараў новай палітычнай сілы — Матэвуш Піскорскі, былы дэпутат ад эўраскептычнай папулісцкай партыі «Самаабарона» (Samoobrona) Анджэя Лепэра. У апошні час ён праславіўся сваімі выступамі ў эфіры расейскага англамоўнага каналу Russia Today, у якіх ён апраўдвае дзеяньні Масквы ва Ўкраіну і ў цэлым на міжнароднай арэне.

Варта адзначыць, што Піскорскі быў таксама «назіральнікам» на так званым «рэфэрэндуме» ў Крыме і на «выбарах» у самаабвешчаных «ЛНР» і «ДНР». Тады ён запэўніваў, што ўсе гэтыя выбары «прайшлі згодна з законам».

Піскорскі наведваў і Беларусь, неаднаразова выступаў у дзяржаўных мэдыях Беларусі. На прэзыдэнцкіх выбарах 2010 году Піскорскі быў міжнародным назіральнікам і заявіў, што выбары прайшлі празрыста і свабодна, абвінаваціўшы Польшчу і Захад у перадузятасьці.

Сябрам «Зьмены» стаў таксама гісторык і публіцыст Яцэк Каміньскі. Ён пасьлядоўна адстойвае камуністычныя ідэі, працуе рэдактарам левага сайту Socjalizm Teraz. Каміньскі таксама неаднаразова наведваў кантраляваныя сэпаратыстамі тэрыторыі Данбасу, пісаў антыўкраінскія артыкулы.

Паказаць камэнтары

XS
SM
MD
LG