Лінкі ўнівэрсальнага доступу

АБСЭ заклікае даць доступ назіральнікам да ўсіх тэрыторыяў Данбасу


Спэцыяльная маніторынгавая місія АБСЭ заклікае даць доступ назіральнікам да ўсіх тэрыторыяў на Данбасе, заявіў прадстаўнік АБСЭ Эртугрул Апакан.

«Мы спрабавалі накіраваць нашых назіральнікаў у Дэбальцава, але ім адмовілі ва ўезьдзе прадстаўнікі так званай „ДНР“. АБСЭ заклікае ўсе бакі строга выконваць спыненьне агню на ўсіх тэрыторыях, а таксама гарантаваць АБСЭ доступ, каб назіральнікі маглі выконваць маніторынг згодна мандату, прадастаўленага ім 57-ю краінамі-членамі АБСЭ», — падкрэсьліў Эртугрул Апакан.

Пры гэтым ён адзначыў, што рэжым спыненьня агню на Данбасе выконваецца за некаторымі выключэньнямі.

У 00 гадзіны 15 лютага пачало дзейнічаць палажэньне аб спыненні агню на Данбасе, прадугледжанае менскімі дамоўленасьцямі.

На сустрэчы ў Менску 12 лютага лідэры Ўкраіны, Расеі, Германіі і Францыі дамовіліся аб спыненьні агню на Данбасе зь 15 лютага. Акрамя таго, ад лініі судакрананьня павінна быць адведзенае цяжкае ўзбраеньне.

XS
SM
MD
LG