Лінкі ўнівэрсальнага доступу

У інтэрнэце зьявіўся трэйлер новага беларускага фільму, у якім параўноўваецца турэмны рэжым з псыхушкай


У сеціве зьявіліся трэйлеры дакумэнтальнай стужкі пад назвай «Паміж Небам і Зямлёй». Аўтар фільму — Дзьмітры Дзядок, галоўныя героі — два сталічныя жыхары, аб’яднаныя адным незайздросным лёсам.

Як апавёў пачынаючы рэжысэр, гэта фільм пра двух менчукоў, кожны зь якіх працяглы час быў ізаляваны: адзін адседзеў 25 гадоў у турме, іншы 15 гадоў ляжаў у псыхіятрычным шпіталі. Перамены пачатку 1990-х, калі бурыліся старыя ідэалы, героі Дзмітрыя Дзядка засьпелі на тым баку кратаў. Цяпер гэтыя людзі старой загартоўкі вымушаныя прыстасоўвацца да ўмоваў новага часу.

Аўтар удакладняе, што вымушаныя быў абнавіць трэйлер, паколькі ў гледачоў зьявіліся пытаньні. Ён кажа, што ў новай вэрсіі пастараўся закрануць некаторыя з узьнятых тэмаў, каб далучыць да адкрытай размовы ўсіх неабыякавых людзей. Па яго словах, цяпер фільм на стадыі мантажу, праца павінна скончыцца да канца сакавіка:

«Пасьля выхаду першага трэйлера мы атрымалі шмат пытаньняў датычна зьместу фільма. Гэта прымусіла нас сур’ёзна задумацца падчас фінальных стадый мантажу. Сапраўды, пра што ён? Пра час, пра краіну, якая існуе толькі ў памяці старэйшага пакалення, пра праблемы той краіны? Ці ўсё ж пра асабісты лёс, гора, каханьне? Пра праўдзівую спагаду, мацярынства; пра ўзаемаадносіны канваіра і зьняволенага, „бульбаша“ і „кацапа“. Спрэчка пра тое, які строгі рэжым страшнейшы — псіхіятрыі або турэмны? Неактуальна пра мінулы Аўган ці актуальна пра сапраўднае?».

Характарызуючы свой твор, Дзьмітры Дзядок задаецца яшчэ адным, магчыма, найбольш важным пытаньнем:

«Гэта мастацкі сюжэт або голая хроніка?».

І сам на яго адказвае: «Усё, вышэй пералічанае, і яшчэ шмат чаго».

Паказаць камэнтары

XS
SM
MD
LG