Прадстаўнікі груповак «ЛНР» і «ДНР» заявілі аб спыненьні агню са свайго боку ў адпаведнасьці зь менскімі пагадненьнямі.
«Усе аддзелы «ДНР» спынілі баявыя дзеяньні на ўсёй лініі судакрананьня», – заявіў намесьнік камандуючага штабам сілаў групоўкі Эдуард Басурын.
«Намесьнік начальніка штаба народнай міліцыі «ЛНР» Ігар Яшчанка заявіў, што 15 лютага ў 00.00 па кіеўскім часе спынена вядзеньне агню, і спыненыя ўсе баявыя дзеяньні па ўсёй лініі фронту», – гаворыцца ў разьмешчаным на «афіцыйным партале «ЛНР» паведамленьні.
У той жа час, украінскія мэдыі інфармуюць пра парушэньні міру баевікамі.
Расейскае агенцтва ТАСС паведаміла пра заяву Басурына аб парушэньні міру з боку ўкраінскіх вайскоўцаў.
