Лінкі ўнівэрсальнага доступу

Ужо сёньня, 12 лютага: Кляйст і Хадановіч у галерэі «Ў»


Фота Андрэя Кавалевіча

Фота Андрэя Кавалевіча

Бліц-агляд падзеяў сёньняшняга дня ў Беларусі, сьвеце, гісторыі.

Новае фота кожны дзень, увесь год. Прысылайце сюды свае здымкі гарадзкіх і прыродных краявідаў, падзеяў і зьяваў жыцьця ў 2015. Пажадана дасылаць фота ў прапорцыі 9 на 16. Усе аўтары фота, апублікаваных на сайце Свабоды, атрымаюць прызы. Тры найбольш папулярныя здымкі месяца будуць адзначаныя асобна.

Афіша

У Нацыянальнай бібліятэцы — прэзэнтацыя фотаальбому «Кніжная спадчына Беларусі», пачатак у 11.40.

У рамках Міжнароднага кніжнага кірмашу — у галерэі Ў (пр.Незалежнасьці, 37 А) — чытаньні з удзелам Рэйнгальда Кляйста і Андрэя Хадановіча. Пачатак а 19-ай.

У гісторыі

1839 — адбыўся Полацкі царкоўны збор, які скасаваў Берасьцейскую царкоўную унію 1596 году.

1910 — першая пастаноўка тэатральнай трупы Ігната Буйніцкага, пачынальніка беларускага прафэсійнага тэатру. Ігнат Буйніцкі з танцавальнай групай па адмысловым запрашэньні рэдакцыі «Нашай Нівы» ўдзельнічае ў «Першай беларускай вечарыне» ў Вільні, дзе гурток выконвае некалькі танцавальных нумароў: «Лявоніху», «Мяцеліцу», «Юрку» і «Вераб’я». Пасьля віленскай прэм’еры трупа папаўняецца здольнымі і таленавітымі драматычнымі акторамі і сьпевакамі, якія паставілі яе на прафэсійную аснову.

1974 — адбыўся арышт Аляксандра Салжаніцына, які быў абвінавачаны ў здрадзе Радзіме і пазбаўлены савецкага грамадзянства. 13 лютага ён быў высланы з СССР (дастаўлены ў ФРГ самалётам).

1992 — Беларусь усталявала дыпляматычныя адносіны з Вугоршчынай.

У памяці:

1798 — памёр Станіслаў Аўгуст Панятоўскі, апошні польскі кароль і вялікі князь літоўскі.

1804 — памёр Імануіл Кант, нямецкі філёзаф.

1809 — нарадзіўся Чарлз Дарвін, брытанскі навуковец-прыродазнаўца, заснавальнік эвалюцыйнай тэорыі пра паходжаньне відаў жывёл і расьлін.

1809 — нарадзіўся Абрагам Лінкальн, амэрыканскі прэзыдэнт.

1950 — нарадзіўся Стыў Гэкет, брытанскі гітарыст і кампазытар (у 1970-1977 выступаў з гуртом «Genesis»).

1984 — памёр Хуліё Картасар, аргентынскі пісьменьнік.

Цытата

Дайце чалавеку ўсё, што ён жадае — і ў гэты момант ён адчуе, што гэтае ўсё — ня ўсё.

Імануіл Кант.

Паказаць камэнтары

XS
SM
MD
LG