Лінкі ўнівэрсальнага доступу

Горад Краматорск Данецкай вобласьці пацярпеў ад новага абстрэлу раніцай 11 лютага.

Пра гэта паведамляюць карыстальнікі сацыяльных сетак. Паводле іх зьвестак, абстрэл адбыўся каля 8.00, разарваліся некалькі ракет. Іншыя падрабязнасьці пакуль невядомыя.

Паводле паведамленьня Рады нацыянальнай бясьпекі і абароны Ўкраіны, у выніку ўчарашняга абстрэлу горада Краматорска Данецкай вобласьці загінулі 15 чалавек. Між тым Данецкая аблдзяржадміністрацыі са спасылкай на дэпартамэнт аховы здароўя вобласьці паведамляе аб 12 загіблых.

У аўторак, 10 лютага, каля 12.30 адбыўся абстрэл Краматорска. Ракеты трапілі ў ваенны аэрадром, а таксама ў прыватным сектары ў ваколіцах Краматорска. Паводле зьвестак прэс-цэнтра антытэрарыстычнай апэрацыі, баевікі выкарыстоўвалі 300-міліметровыя рэактыўныя сыстэмы залпавага агню «Сьмерч».

Сэпаратысты на сваіх сайтах сьцьвярджаюць, што ня маюць дачыненьня да абстрэлу. Паводле зьвестак місыі АБСЭ, ракеты былі выпушчаныя з Горлаўкі, захопленай сэпаратыстамі і расейскімі войскамі. Галоўная вайсковая пракуратура Ўкраіны па факце абстрэлу Краматорска завяла крымінальную справу па артыкуле «тэракт».

XS
SM
MD
LG