Лінкі ўнівэрсальнага доступу

logo-print

Па Краматорску выпусьцілі 32 «сьмерчаў», 18 зь іх трапілі ў горад


Як паведаміў старшыня Данецкай абласной дзяржаўнай адміністрацыі (АДА) Аляксандар Кіхценка па Краматорску сёньня днём з кантраляванай сэпаратыстамі Горлаўкі былі выпушчаныя 32 ракеты, 18 трапілі ў горад, 14 — у раён штабу антытэрарыстычнай апэрацыі.

«Ніхто ня думаў, што падчас перамоваў у Менску будуць наносіцца ўдар па мірных кварталах Краматорску», — адзначыў ён.

Са спасылкай на вайскоўцаў Кіхценка сказаў, што былі ўжытыя касэтныя боепрыпасы, якія прызначаныя для паражэньня жывой сілы. Паводле яго словаў, калі б усе ракеты трапілі ў жылыя кварталы, было б нашмат больш параненых і забітых.

«Касэтныя боепрыпасы небясьпечныя тым, што падрываюцца зьверху на вышыні і наносяць шкаду жывой сіле. Гэта трэба ведаць. Пасьля характэрнага выхлапу празь 10 сэкунд можа быць паражэньне абломкамі», — патлумачыў чыноўнік.

«Сёньня небясьпечна знаходзіцца на адкрытых участках мясцовасьці. Я раіў бы ўстрымацца ад наведваньня і шпіталёў і дзіцячых садоў, прынамсі, заўтра трэба па магчымасьці ўстрымацца», — адзначыў ён.

Кіхценка сказаў, што небясьпека існуе ў любым населеным пункце, які знаходзіцца ў 120 км ад лініі базаваньня баевікоў «120 км —гэта далёкасьць стральбы такімі ўстаноўкамі.

Старшыня Данецкай АДА паведаміў, што перад ракетнай атакай з комплексу «Бук» украінскія вайскоўцы зьбілі бесьпілётнік.

XS
SM
MD
LG