Лінкі ўнівэрсальнага доступу

Дызайнэры прапануюць зьмясьціць беларускі арнамэнт на роварных апонах ФОТА


Арт-студыя «PRAS» прапануе не абмяжоўвацца «вышымайкамі» ды іншай прадукцыяй зь беларускім арнамэнтам ды вырабіць — «вышышыны» — роварныя апоны з тэкстурай ў выглядзе беларускага арнамэнту.

Дызайн апонаў распрацавала арт-студыя «PRAS», таксама вядомая тым, што раней выпусьціла настольную гульню «1514» да гадавіны перамогі пад Воршай.

Аўтары ідэі жартаўліва пішуць на сваім сайце:

«Мы набілі сабе татуіроўкі з арнамэнтам, але гэтага мала. Мы сьпім пад вышыванымі коўдрамі, але сон наш неспакойны. Бо місія студыі — несьці беларушчыну ў масы. Таму сустракайце нашу кроплю ў хвалі мэйнстрыму: ад прадзедаў спакон вякоў да нашых дзён, лепшы разносчык вышыванасьці і вышыватасьці — яе вялікасьць ВЫШЫШЫНА!».

Распрацоўшчыкі прапануюць зьмясьціць «старажытны арнамэнт на колах жалезнага каня».

Каб запусьціць масавы выпуск «вышышынаў», арт-студыя «PRAS» шукае інвэстараў.

XS
SM
MD
LG