Усясьветны дзень хворага. Усталяваны ў 1992 годзе на прапанову Яна Паўла Другога. Незадоўга перад гэтым самому Папу паставілі дыягназ хваробы Паркінсона.
У Менску намечаная сустрэча канцлера Нямеччыны Ангелы Мэркэль, прэзыдэнтаў Расеі Ўладзімера Пуціна, Украіны Пятра Парашэнкі і Францыі Франсуа Алянда.
У Менску ў выставачным павільёне (пр-т Пераможцаў, 14) пачнецца XXII Менская міжнародная кніжная выстава-кірмаш.
У гісторыі:
660 да н.э. — дзень узыходжаньня на пасаг Дзіму — першага імпэратара Японіі, дзяржаўнае сьвята краіны — Дзень заснаваньня дзяржавы.
1959 — у Менску адкрыўся Дзяржаўны цырк.
1979 — перамога ісламскай рэвалюцыі ў Іране, пасьля трох сутак вулічных баёў з ўрадавымі войскамі прыхільнікі аяталы Хамейні бяруць пад кантроль Тэгеран.
1990 — Пасьля падпісаньня апошнім белым прэзыдэнтам Паўночна-Афрыканскай Рэспублікі Фрэдэрыкам дэ Клеркам указу аб легалізацыі рухаў супраць рэжыму апартэіду выйшаў на свабоду з 27-гадовага зьняволеньня Нэльсан Мандэла.
1999 — утвораная Канфэрэнцыя Каталіцкіх Біскупаў у Беларусі.
2011 — перамога рэвалюцыі ў Эгіпце: прэзыдэнт Хосьні Мубарак падаў у адстаўку, перадаўшы ўладу Вышэйшай радзе ўзброеных сілаў.
2012 — у Беларусі набыў моц новы закон пра дзяржслужбу. Паводле яго, дзяржаўныя службоўцы павінны адмаўляцца ад Карты паляка, калі пасьпелі атрымаць яе.
У гэты дзень нарадзіліся:
1807 — Напалеон Орда, беларускі і польскі мастак, піяніст, кампазытар і пэдагог.
1847 — Томас Эдысан, амэрыканскі вынаходнік.
У гэты дзень памерлі:
1650 — Рэнэ Дэкарт, францускі матэматык і філёзаф
Цытата:
Большасьць людзей гатовая ўпарта працаваць, абы пазбавіцца ад неабходнасьці трошкі падумаць
Томас Эдысан
