Лінкі ўнівэрсальнага доступу

Вячорка: Пры любым выніку сустрэчы ў Менску набірае пункты толькі Лукашэнка


Паводле Вінцука Вячоркі, у расейска-ўкраінскім канфлікце Лукашэнка аніяк не бесстароньні бок.

Кіраўнікі Расеі, Украіны, Германіі і Францыі правядуць у сераду, 11 лютага, сустрэчу ў Менску, прысьвечаную ўрэгуляваньню ўкраінскага крызісу. Бакі чакаюць, што іх намаганьні ў час сустрэчы ў Менску прывядуць «да неадкладнага і безумоўнага двухбаковага спыненьня вагню».

Пазьней стала вядома, што аб сустрэчы ў Менску папрасілі Лукашэнку спачатку Парашэнка, а потым і Пуцін.

Як мяркуе палітык Вінцук Вячорка, ад перамоваў у Менску выйграе толькі Лукашэнка:

«Калі такая сустрэча плянуецца, то паўстаюць два пытаньні. Па-першае, так званыя менскія пагадненьні цалкам сарваныя Расеяй, і ажыўляць іх у новай сытуацыі замест таго, каб на справе дапамагчы Украіне абараніцца ад агрэсара, — значыць дапамагаць агрэсару.

Па-другое, пры любым выніку такой сустрэчы набірае пункты толькі Лукашэнка, які старанна лепіць сабе імідж пасярэдніка і міратворца. Пры гэтым у Беларусі нарастае вайсковая прысутнасьць Расеі, г. зн. Лукашэнка аніяк не бесстароньні бок. Таксама і таму, што ён не прымае свабоднага волевыяуленьня ўкраінскага народу».​

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG